Ընդունելություն՝ «Զվարթնոց», «Բագրատաշեն» և պետական սահմանի մյուս անցակետերում ծառայության համար
Հայաստանի Ազգային անվտանգության ծառայության (ԱԱԾ) սահմանապահ զորքերը ընդունելություն է կազմակերպում «Զվարթնոց», «Բագրատաշեն» և ՀՀ պետական սահմանի մյուս անցման կետերում ծառայության անցնելու համար։ Այս մասին տեղեկանում ենք ԱԱԾ մամուլի կենտրոնի հաղորդագրությունից։
«Ծառայության անցնելու համար կարող են դիմել մինչև 30 տարեկան առնվազն միջնակարգ կրթությամբ, հայերենի և օտար լեզվի (անգլերենի կամ ռուսերենի) իմացությամբ իգական սեռի և պարտադիր ժամկետային զինվորական ծառայություն անցած արական սեռի ՀՀ քաղաքացիներ։ Տեղեկությունների համար դիմել ք․ Երևան, Եղվարդի խճուղի 117/5 հասցեով կամ զանգահարել 015 57–97–74 հեռախոսահամարով»,- նշված է հաղորդագրության մեջ։
Լուսանկարը՝ ԱԱԾ-ի
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (1)
Մեկնաբանել