Տեսանյութեր
Լուսանկարներ
«Հայացք». տեղեկատվական տեխնոլոգիաների նախարարությո՞ւն
«Սինոփսիսի» տնօրեն Հովիկ Մուսայելյանը կդառնա՞ նախարար
Խորհրդարանական ընտրություններից առաջ' դեռ ապրիլին, տեղեկատվական տեխնոլոգիաների ոլորտի ավելի քան 200 ձեռնարկությունների տնօրենների ստորագրությամբ նամակ-առաջարկություն է ներկայացվել կառավարություն' ՀՀ վարչապետին, որով առաջարկվում է բացել նոր' Տեղեկատվական տեխնոլոգիաների նախարարություն: Մեր աղբյուրների վկայությամբ' ստորագրությունների «ձնագնդիկը» շարունակվում է «գլորվել»:
Սրան կտրականապես դեմ է Էկոնոմիկայի նախարար Տիգրան Դավթյանը (իհարկե, նա մենակ չէ և ավելի ազդեցիկ կողմնակիցներ ունի): Նախարարին կարելի է հասկանալ' նոր կառույցի դեպքում ՏՏ ոլորտը իրենից «կխլեն»: Սակայն այս ոլորտի մասնագետները լուրջ հիմնավորումներ ունեն նոր նախարարություն բացելու հարցում: Չնայած վարչապետը միշտ պարծենում է ՏՏ ոլորտի հաջողություններով, բայց այս ոլորտին ավելի քիչ միջոցներ են տրամադրվում, քան միջին «հզորության», մարզական որևէ ֆեդերացիայի' ասենք ձյուդոյի:
Բայց առավել կարևորի մասին չմոռանանք գրել: Մեր աղբյուրները հաստատում են, որ այս առաջարկության «քավորը» «Սինոփսիս Արմենիա» ՓԲԸ տնօրեն Հովիկ Մուսայելյանն է: Հենց նա էլ հավակնում է առաջիկայում բացվելիք (՞) ՏՏ նախարարի աթոռին:
Մեկնաբանություններ (1)
Մեկնաբանել