Լիտվայի ոստիկանությունը հետաքննություն է սկսել այն բանից հետո, երբ ապրիլի 7-ին և 8-ին Վիլնյուսում Ռուսաստանի դեսպանատան վրա դյուրավառ խառնուրդով շշեր են նետել։ Այդ մասին հայտնում է Delfi-ն՝ հղում անելով ոստիկանության դեպարտամենտին։

Հետաքննության տվյալներով՝ առաջին անգամ դիվանագիտական ներկայացուցչությունը նմանատիպ հարձակման է ենթարկվե ապրիլի 7-ի գիշերը, մոտ 02:15-ին, իսկ երկրորդ անգամ՝ մեկ օր անց՝ ապրիլի 8-ի գիշերը՝ ժամը 02:46-ին:

Երկու դեպքում էլ, ինչպես հայտնել են ոստիկանությունից, վնասվել է դեսպանատան պատը։

«Միջադեպերն արձանագրվել են տեսախցիկների, ինչպես նաև դեսպանատան մոտ մշտապես հերթապահող ոստիկանների կողմից»,- հայտարարել է Լիտվայի ոստիկանության պաշտոնական ներկայացուցիչ Ռամունաս Մատոնիսը։

Լուսանկարը՝ РИА Новости / Ирина Павлова