Սև ծովի տարածքում` Ղրիմի արևմտյան ափի մոտ կործանվել է ռուսական Մի-24 ուղղաթիռ։ Այդ մասին հայտնել է ՌԴ պաշտպանության նախարարությունը։

Միջադեպը տեղի է ունեցել ապրիլի 10-ին Մոսկվայի ժամանակով առավոտյան ժամը 06:00-ի սահմաններում (Երևանի ժամանակով՝ 07:00-ի սահմաններում), երբ ուղղաթիռը պլանային թռիչք էր կատարում: ՌԴ ՊՆ-ի նախնական տվյալներով՝ վթարի պատճառը տեխնիկական խափանումն է եղել։

Օդաչուների ճակատագրի մասին ոչինչ չի նշվում։

Ռուսաստանի պաշտպանության նախարարության հաղորդագրությունից քիչ առաջ Ուկրաինայի ռազմածովային ուժերը հայտարարել էին Ղրիմի տարածքում խոցված ռուսական Կա-27 ուղղաթիռի մասին։ Ավելի ուշ ուկրաինական կողմը նշել էր, որ ուղղաթիռը պայթել է օդում, իսկ դրա պատճառներն անհայտ են:

Լուսանկարը՝ ՌԴ ՊՆ մամուլի ծառայության