Արժույթի միջազգային հիմնադրամի գործող ղեկավար, բուլղարացի տնտեսագետ Կրիստալինա Գեորգիևան երկրորդ հնգամյա ժամկետով վերընտրվել է Արժույթի միջազգային հիմնադրամի ղեկավար: Այդ մասին հայտնում է կազմակերպության մամուլի ծառայությունը։

Գեորգիևայի թեկնածությունը միակն էր քվեարկության ընթացքում, նրա վերընտրվելու որոշումն էլ կոնսենսուսային էր:

ԱՄՀ ղեկավարի պաշտոնում Գեորգիևայի երկրորդ ժամկետը կսկսվի այս տարվա հոկտեմբերի 1-ից: Նա կպաշտոնավարի ևս 5 տարի։

Արժույթի միջազգային հիմնադրամը Միավորված ազգերի կազմակերպության մարմիններից մեկն է, որը ֆինանսական աջակցություն է ցուցաբերում անդամ երկրներին: Այս կազմակերպությանն անդամակցում է 190 երկիր։

Կրիստալինա Գեորգիևան ԱՄՀ-ն գլխավորում է 2019 թվականից։

Լուսանկարը՝ AFP գործակալության