Իրանի զինված ուժերի շտաբի պետ, գեներալ-մայոր Մոհամադ Բաղերին հայտարարել է, որ Իրանը կարող է ավելի լայնածավալ հարձակում իրականացնել Իսրայելի վրա, քան ապրիլի 14-ի գիշերը, երբ Հրեական պետության վրա արձակվել էր ավելի քան 300 հրթիռ և անօդաչու թռչող սարք: Այդ մասին Բաղերին հայտարարել է իրանական պետական Press TV-ին։

«Մեր պատասխանը շատ ավելի մասշտաբային կլինի, քան այսօրվա ռազմական գործողությունը, եթե Իսրայելը պատասխան միջոցներ ձեռնարկի Իրանի դեմ»,- հայտարարել է Բաղերին։

Iranian Major General Bagheri: The operation was successfully completed

The reason for this operation was that the Zionist regime crossed Iran's red lines.

We see this operation as a complete result and there is no intention to continue the operation.

But if the Zionist regime… pic.twitter.com/zHC3vCtZTI

— Clash Report (@clashreport) April 14, 2024

Նա պնդել է, թե գիշերային հարձակման ընթացքում «Իրանը խոցել է իսրայելական երկու ռազմաբազա»։ «Մեր գործողություններն ավարտված են, և մենք մտադիր չենք դրանք շարունակել»,- ասել է նա:

Բաղերին հավելել է, որ Թեհրանը Շվեյցարիայի միջոցով զգուշացրել է ԱՄՆ-ին, որ եթե Վաշինգտոնն աջակցի Իրանի դեմ Իսրայելի ցանկացած ռազմական գործողության, ապա հարձակման կենթարկվեն ամերիկյան ռազմաբազաները: ՄԱԿ-ում Իրանի առաքելությունն էլ ավելի վաղ ԱՄՆ-ին կոչ էր արել «հեռու մնալ» այս հակամարտությունից:

Լուսանկարը՝ Reuters գործակալության