Ֆրանսիայի նախագահ Էմանուել Մակրոնը գրառում է արել Հայոց Ցեղասպանության 109-րդ տարելիցի կապակցությամբ։ Գրառումը հրապարակվել է Ելիսեյան պալատի առաջնորդի X-ի միկրոբլոգում։

«Ֆրանսիան այսօր հիշատակում է 1915 թվականի Հայոց ցեղասպանության 109-րդ տարելիցը։ Եկեք վառ պահենք ջարդերի, տեղահանությունների ու հալածանքների ենթարկված զոհերի հիշատակը։ Չմոռանանք»,- գրել է Էմանուել Մակրոնը՝ հավելելով, որ ֆրանսիացիներն ու հայերը հավերժ կապված են իրար։

Ce jour, la France commémore le 109e anniversaire du génocide arménien de 1915.

Gardons vivante la mémoire des victimes des massacres, déportations et persécutions. N’oublions pas.

Français et Arméniens sont à jamais liés.

— Emmanuel Macron (@EmmanuelMacron) April 24, 2024

Այսօր Հայաստանում ու ողջ աշխարհում հիշատակում են Հայոց Ցեղասպանության 109-րդ տարելիցը։ Վաղ առավոտվանից քաղաքացիներն այցելում են Ծիծեռնակաբերդի հուշահամալիր։ Առավոտյան այնտեղ այցելել էին նաև ՀՀ իշխանության ներկայացուցիչները, հոգևորականներն ու դիվանագիտական կորպուսի ներկայացուցիչները։

Լուսանկարը՝ Nathan Laine/Bloomberg