Հինգ տարվա դադարից հետո Երևանում կրկին անցկացվեց մարաթոն։

Երևան Մարաթոնն ամենամյա երկար տարածության վազքի միջոցառում է, որը կազմակերպվում է Հայաստանի մայրաքաղաք Երևանում և 2015, 2016 և 2017թ.-ին կազմակերպված Երևան կիսամարաթոնի իրավահաջորդն է: 2018թ.-ից սկսած մրցույթը ներառում է ամբողջական մարաթոնյան մրցատարածություն՝ 42 կմ, ինչպես նաև առավել կարճ մրցատարածություններ՝ կիսամարաթոն՝ 21 կմ, 12 կմ, 10 կմ, 5 կմ ինչպես նաև երեխաների համար նախատեսված՝ 1 կմ։

Մարաթոնը կազմակերպվում է «Արմ Մարաթոն» մարզակրթական հիմնադրամի, Երևանի քաղաքապետարանի և TriClub Yerevan սպորտային ակումբի կողմից:

Երևան Մարաթոնն այս տարի կաջակցի ՀԲԸՄ-ի արցախահայության աջակցության ծրագրերին։

Մարաթոնի և այլ վազքատարածությունների արդյունքներին կարելի է ծանոթանալ այստեղ։