![](/static/articles/16/62/41/l-y4Xe9qEcMK.jpg)
ՃՏՊ Երևան-Իջևան ավտոճանապարհին․ կան տուժածներ
Փրկարար ծառայությունը տեղեկացնում է, որ մայիսի 3-ին՝ ժամը 13:32-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Դիլիջան-Հաղարծին ավտոճանապարհին տեղի է ունեցել ՃՏՊ, կա տուժած․ անհրաժեշտ է փրկարարների օգնությունը:
«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Իջևան ավտոճանապարհի 106-րդ կմ-ին «Renault» մակնիշի ավտոմեքենան (վարորդ՝ Է․ Մ․, ծնված 2000 թ.) դուրս է եկել ճանապարհի երթևեկելի հատվածից և բախվել հողաթմբին:
Մինչ փրկարարների կանչի վայր հասնելը՝ վարորդը և ուղևոր Ն․ Ջ․-ն (ծնված 1999 թ.) հոսպիտալացվել են բժշկական կենտրոն, որտեղ բժիշկները տուժածների առողջական վիճակը գնահատել են բավարար:
Փրկարարները փակել են ավտոմեքենայի գազի բալոնի փականը և սահմանազատել տարածքը»,- նշված է հաղորդագրության մեջ:
Մեկնաբանել