Թուրքիայի Ազգային մեծ ժողովի արտաքին հարաբերությունների հանձնաժողովի նախագահ Ֆուաթ Օքթայը Վաշինգտոնում ամերիկացի կոնգրեսականների հետ քննարկել է Հայաստանի և Ադրբեջանի միջև խաղաղության գործընթացը:

Այդ մասին հայտնում է թուրքական Anadolu գործակալությունը։

Նշվել է, որ Օքթայն իր կարծիքն է ներկայացրել Հայաստանի և Ադրբեջանի միջև խաղաղության գործընթացի վերաբերյալ և քննարկել տարածաշրջանում Թուրքիայի համար այնպիսի կարևոր հարևանի հետ հարաբերությունները, ինչպիսին Իրաքն է։

Բացի այդ, կողմերը մտքեր են փոխանակել նաև այնպիսի թեմաների շուրջ, ինչպիսիք են` Թուրքիայի առաջնահերթությունները Հյուսիսային Կիպրոսի թուրքական ինքնահռչակ հանրապետության նկատմամբ, նրա դիրքորոշումն Արևելյան Միջերկրականի վերաբերյալ, Գազայում տեղի ունեցող իրադարձությունները և ռուս-ուկրաինական պատերազմը:

Լուսանկարը՝ Anadolu գործակալության