2012 թ. ընթացքում ՀՀ մարզերի բժշկական կազմակերպություններ ժամանակավոր ուղեգրվել է 13 բժիշկ-մասնագետ՝ մարզային բժշկական հաստատություններն անհրաժեշտ կադրերով ապահովելու, տեղի բնակչության բուժօգնությունը պատշաճ կազմակերպելու նպատակով և առողջապահության նախարարի 2008 թ. մայիսի 6-ի հրամանով հաստատված կարգի համաձայն:

Ըստ ներկայացված հայտերի՝ Արագածոտնի, Լոռու, Սյունիքի, Վայոց ձորի մարզեր ժամանակավոր աշխատանքի են ուղեգրվել անեսթեզիոլոգ-ռեանիմատոլոգներ, վիրաբույժներ, մանկաբարձ-գինեկոլոգներ, շտապ օգնության բժիշկներ, բժիշկ-ռեանիմատոլոգներ:

Առողջապահության նախարարությունը հայտնում է, որ 2011 թ. ընթացքում ՀՀ մարզերի բժշկական կազմակերպություններ ժամանակավոր ուղեգրվել է 19 բժիշկ-մասնագետ: Արագածոտնի, Լոռու, Գեղարքունիքի, Սյունիքի, Վայոց ձորի, Տավուշի մարզեր ժամանակավոր աշխատանքի են մեկնել անեսթեզիոլոգ-ռեանիմատոլոգներ, վիրաբույժներ, ներզատաբան, մանկաբարձ-գինեկոլոգներ, ուրոլոգներ, շտապ օգնության բժիշկ: