Լոռիում և Տավուշում ջրհեղեղների հետևանքով կա հաստատված չորս զոհ։ Այս մասին լրագրողներին հայտնել է Տարածքային կառավարման և ենթակառուցվածքների նախարար Գնել Սանոսյանը։

Նախարարի խոսքով՝ Դեբեդի վարարման հետևանքով փլվել է 17 կամուրջ։

«Դրանց մի մասը համայնքային նշանակության փոքր կամուրջներ են, բայց առնվազն 5-6 կամուրջներ բավականին խոշոր կամուրջներ են, մեզանից մեծ ջանք ու ժամանակ կպահանջվի դրանց վերականգնման համար»,- ասել է նախարարը։

ՆԳՆ փրկարար ծառայության տնօրեն Կամո Ցուցուլյանի փոխանցմամբ՝ 429 անձ տարհանվել է, կան մեկուսացված բնակավայրեր։

Լուսանկարը՝ վարչապետի աշխատակազմի