2005-2013 թվականներին Իրանի նախագահի պաշտոնն զբաղեցրած Մահմուդ Ահմադինեժադն իր թեկնածությունն է առաջադրել Իրանի արտահերթ նախագահական ընտրություններին մասնակցելու համար:

«Ես վստահ եմ, որ երկրի բոլոր խնդիրները հնարավոր է լուծել ազգային ներուժի առավելագույն օգտագործման դեպքում»,- կայացած մամուլի ասուլիսի ժամանակ հայտարարել է Իրանի նախկին նախագահը։ 

Ահմադինեժադն, որի խոսքերը մեջբերել է IRIB հեռուստաալիքը, իր առաջնահերթություններից մեկը անվանել է «աղքատության դեմ համալիր պայքարն ու ժողովրդի բարեկեցության ցուցանիշների բարձրացումը»:

Iran’s former president Mahmoud Ahmadinejad registered for the snap presidential election slated for June 28.
After registration, he told reporters that seeing the people’s economic problems convinced him to run.
Ahmadinejad was barred from running in the 2017 and 2021… https://t.co/zJRiK6fzE1 pic.twitter.com/xk9BJTTrij

— Iran International English (@IranIntl_En) June 2, 2024

2003-2005 թվականներին Ահմադինեժադը զբաղենում էր Թեհրանի քաղաքապետի պաշտոնը։ 2005 թվականին քաղաքական գործիչը հաղթեց նախագահական ընտրություններում՝ երկրորդ փուլում հավաքելով ընտրողների ձայների 61,75%-ը։ 2009 թվականին նա վերընտրվեց նույն պաշտոնում՝ հավաքելով ձայների 63%-ը։ Երկրի գործադիր իշխանության ղեկավարման տարիներին Ահմադինեժադը հայտնի դարձավ Արևմուտքի հանդեպ կոշտ քննադատությամբ և իրանական միջուկային ծրագրի զարգացման տեմպերի աճով:

Հենց նրա նախագահության օրոք Իսլամական Հանրապետության դեմ կիրառվեցին ՄԱԿ-ի Անվտանգության խորհրդի միջազգային պատժամիջոցները, ինչպես նաև Եվրամիության և ԱՄՆ-ի կողմից առավել կոշտ սահմանափակումները։ 2012 թվականին ԵՄ-ն հաստատեց իրանական նավթի մատակարարման էմբարգոն, որը լրջորեն հարվածեց Իրանի տնտեսությանը: Իրանի հաջորդ նախագահ Հասան Ռոհանին 2015 թվականին միջուկային գործարք կնքեց Ռուսաստանի, Մեծ Բրիտանիայի, Գերմանիայի, Չինաստանի, ԱՄՆ-ի և Ֆրանսիայի հետ: 2018 թվականին ԱՄՆ նախագահ Դոնալդ Թրամփը հայտարարեց համաձայնագրից Միացյալ Նահանգների դուրս գալու մասին։

2017 և 2021 թվականներին Ահմադինեժադն իր փաստաթղթերն էր ներկայացրել Իրանում նախագահական հերթական ընտրություններին մասնակցելու համար, սակայն նրա թեկնածությունը մերժվել էր Սահմանադրության պահապանների խորհրդի կողմից: 2018 թվականի հունվարի 6-ին Ահմադինեժադը ձերբակալվել էր Իրանում 2017 թվականի վերջին և 2018 թվականի սկզբին տեղի ունեցած հակակառավարական ցույցերին աջակցելու համար: Պատճառը ցույցերի ժամանակ քաղաքական գործչի հայտարարություններն էին։

Լուսանկարը՝ Anadolu Ajansi