ՌԴ արտաքին գործերի նախարարի տեղակալ Միխայիլ Գալուզինը ռուսական РИА Новости գործակալությանը հայտնել է, որ խորհրդակցություններից հետո ՌԴ դեսպանը շուտով կվերադառնա Հայաստան, իսկ հարաբերությունների խզման մասին խոսք չի գնում:

«Կենտրոնից խորհրդակցությունների համար դեսպանին կանչելը սովորական դիվանագիտական պրակտիկա է։ Հենց այս պրակտիկայի շրջանակներում է Սերգեյ Պավլովիչ Կոպիրկինը կանչվել խորհրդակցության։ Մենք այդ խորհրդակցություններն անցկացրել ենք։ Ըստ այդմ, ես կարծում եմ, որ շատ շուտով կարելի է ակնկալել Սերգեյ Պավլովիչի վերադարձը Երևան՝ իր պարտականությունների կատարման վերսկսմանը»,- հայտարարել է Գալուզինը։

Պատասխանելով երկու երկրների միջև հարաբերությունների մակարդակի իջեցման մասին հարցին՝ Գալուզինը նշել է, որ «այդ մասին բացարձակապես խոսք չկա»։ «Դեսպանը կանչվել է խորհրդակցությունների, նա հետ չի կանչվել։ Ռուսաստանն ու Հայաստանը դաշնակիցներ են, ռազմավարական գործընկերներ»,- եզրափակել է ռուսաստանցի այդ պաշտոնյան։ 

Լուսանկարը՝ Sputnik / Максим Блинов