ԱՄՆ-ն Ուկրաինային կհատկացնի 225 միլիոն դոլարի օգնության նոր փաթեթ։ Այդ միջոցներն անհրաժեշտ են Ուկրաինայի էլեկտրական ցանցի վերականգնման համար: Այդ մասին հայտնել է ԱՄՆ նախագահ Ջո Բայդենը, ով այցով գտնվում է Ֆրանսիայում։ 

«Ես արդեն հայտարարել էի օգնության 6 փաթեթների մասին, որոնք ենթադրում էին զգալի միջոցների հատկացում։ Այսօր ես կստորագրեմ 225 միլիոն ԱՄՆ դոլարի լրացուցիչ փաթեթը, որը կօգնի ձեզ վերականգնել էլեկտրական ցանցը»,- Ուկրաինայի նախագահ Վլադիմիր Զելենսկիի հետ հանդիպման ժամանակ հայտարարել է Բայդենը։

Բայդենը նաև ներողություն է խնդրել Զելենսկիից՝ օգնության մասշտաբային փաթեթի հատկացման ուշացման համար, որի համաձայնեցումը Կոնգրեսում ձգձգվել էր մի քանի ամիս։ 

Նա կրկին աջակցության խոսքեր է ուղղել Ուկրաինային և խոստացել, որ Միացյալ Նահանգները Կիևին առանց օգնության չի թողնի:

Լուսանկարը՝ Daniel Cole/AP Photo