Ախալքալաքից Բաթում ուղևորվող երթուղայինի վթարի ենթարկվելու հետևանքով 6 զոհվածնի ինքնությունն արդեն հայտնի է: Հիշեցնենք, որ երեկ Թբիլիսի-Քութաիսի մայրուղու վրա վթարվել էր Ախալքալաք-Բաթումի երթուղին սպասարկող միկրոավտոբուսը:

Ավտովթարի գործով քննիչ Գեորգի Աբուլաձեի' «Հարավային դարպասին» հայտնած տվյալներով,
վթարի հետևանքով զոհվել է Ախալքալաքի շրջանի Դադեշ գյուղի բնակիչ, 1982 թվականին ծնված Նաիրա Թումասյանը, Նինոծմինդայի շրջանի Օրլովկա գյուղի բնակիչներ' մայր և որդի Զինա և Դիմիտրի Ֆեոդորովները (Դիմիտրի ֆեոդորովն անչափահաս էր' ծնված 2007 թ-ին), Ախալցխայի բնակիչ Նինո Վելիջանաշվիլին, միկրոավտոբուսի վարորդ Նոդար Թարդենաձեն, ինչպես նաև «Շկոդա» մակնիշի ավտոմեքենայի վարորդ Լևանի Նիքավտաձեն: