Երևանի Մոսկովյան-Տերյան փողոցների խաչմերուկում մոտ երկու ժամ առաջ ոստիկաններ էին հավաքվել: Հարակից շենքերի բնակիչները ֆոտոլրագրող Գագիկ Շամշյանին պատմել են, որ 6 ժամից ավելի է՝ մեծ թվով ոստիկաններ նշված վայրից փորձում են ոստիկանություն տեղափոխել մայթին կայանված «Մերսեդես Ջի» («Յաշիկ») մակնիշի 005 ՕՕ 05 համահամարանիշի ավտոմեքենան:

Շամշյանի տեղեկություններով՝ նշված ավտոմեքենան պատկանում է ԱԺ պատգամավոր Նահապետ Գևորգյանին (մականունը՝ «Արմավիրցի Նովո»):

Ոստիկանները նշված շենքը հսկել են թե փողոցի և թե բակի կողմից:

Ֆոտոլրագրողը հայտնում է նաեւ, որ քիչ առաջ Ճանապարհային ոստիկանության աշխատակիցները ավտոմեքենան տեղափոխեցին ոստիկանության հատուկ պահպանման տարածք:

Շամշյանի ունեցած տվյալներով՝ այս ամենը պայմանավորված է նախորդ գիշեր տեղի ունեցած միջադեպով, որի շրջանակներում իբրեւ գլխավոր հերոս շոշափվում է պատգամավոր Գևորգյանի որդու՝ Արտակ Գևորգյանի անունը: Վերջինս, ըստ տեղեկությունների, գինովցած և զենքի սպառնալիքով ավտոմեքենա էր առևանգել:

Լուսանկարները՝ Գագիկ Շամշյանի