Փոխվարչապետ Տիգրան Խաչատրյանն ընդունել է Հայաստանում Գերմանիայի դեսպան Վիկտոր Ռիխտերին՝ Հայաստանում առաքելության ավարտի կապակցությամբ: Այս մասին հաղորդում է կառավարության մամուլի ծառայությունը։

«Հանդիպման սկզբում փոխվարչապետն ընդգծել է Հայաստան-Գերմանիա բարեկամական հարաբերությունների զարգացման կարևորությունը և շնորհակալություն հայտնել դեսպանին այդ ուղղությամբ իրականացրած արդյունավետ աշխատանքի համար: Ամփոփելով այս ընթացքում համատեղ իրականացված ծրագրերի արդյունքները՝ փոխվարչապետը դեսպանին մաղթել է նորանոր հաջողություններ իր հետագա գործունեության մեջ:

Կողմերը կարևորել են տարբեր ուղղություններով համագործակցության ընդլայնման շարունակականությունը՝ վստահություն հայտնելով, որ առկա են երկկողմ կապերի ամրապնդման համար անհրաժեշտ բոլոր նախադրյալները:

Հանդիպման ընթացքում անդրադարձ է կատարվել նաև երկուստեք հետաքրքրություն ներկայացնող մի շարք հարցերի»,- ասվում է պաշտոնական հաղորդագրություններին: