«Եվրո-2024»-ում այսօր մեկնարկեց 1/8 եզրափակիչ փուլը, և առաջին խաղում Շվեյցարիայի հավաքականը 2:0 հաշվով պարտության մատնեց Եվրոպայի գործող չեմպիոն Իտալիային և դուրս եկավ քառորդ եզրափակիչ: Հանդիպումը տեղի ունեցավ Բեռլինի Օլիմպիական մարզադաշտում:

Հանդիպման հաշիվը բացվեց 37-րդ րոպեին, աչքի ընկավ Ռեմո Ֆրոյլերը: Երկրորդ կեսի սկզբնամասում՝ 46-րդ րոպեին, Ռուբեն Վարգասը գեղեցիկ հարվածով գնդակն ուղարկեց իտալացիների դարպասը և կրկնապատկեց Շվեյցարիայի առավելությունը: Հանդիպման մնացած ժամանակահատվածում այլևս գոլեր չեղան:

Քառորդ եզրափակչում Շվեյցարիայի մրցակիցը կլինի Անգլիա-Սլովակիա զույգի հաղթողը:

Հիշեցնենք՝ այսօր կկայանա 1/8 եզրափակչի ևս մեկ հանդիպում: 23:00-ին առաջնությունը հյուրընկալող Գերմանիայի հավաքականը Դորտմունդում ուժերը կչափի Դանիայի ընտրանու հետ:

Աղյուսակը թարմացվում է