ԱՄՆ Պետքարտուղարության պաշտոնական ներկայացուցչի տեղակալ Վեդանթ Փաթելը Պետքարտուղարության մամուլի ծառայության ամենօրյա ճեպազրույցի ժամանակ անդրադարձել է նաև հայ-ադրբեջանական հարաբերությունների կարգավորմանը։ Ադրբեջանցի լրագրողի հարցին ի պատասխան Փաթելը հայտարարել է, որ Միացյալ Նահանգների համար առաջնահերթ են Հայաստանի ու Ադրբեջանի շփումները։ 

«Թույլ տվեք միայն ասել, որ Հարավային Կովկասի հիմնախնդրի համատեքստում սա առաջնահերթություն է մեզ համար։ Առաջնահերթություն է նաև պետքարտուղարի և այս գերատեսչության այլ պաշտոնյաների համար: Ես կասկած չունեմ, որ սա մի բան է, որի ուղղությամբ մենք կշարունակենք աշխատել։ Հատուկ հանդիպումներ և ներգրավվածություններ գագաթնաժողովի շրջանակներում․ ես պարզապես չեմ ուզում խոսել ժամանակացույցի մասին»,- հայտարարել է ամերիկացի դիվանագետը՝ պատասխանելով Վաշինգոնում ՆԱՏՕ-ի գագաթնաժողովին մասնակցելու համար Հայաստանին և Ադրբեջանին հրավերների ուղարկումը։ 

Ադրբեջանցի լրագրողը հետաքրքրվել է, թե գագաթնաժողովի շրջանակներում այս երկու երկրների մասով կա արդյոք որևէ ծրագիր։ Ամերիկացի դիվանագետն այլ բան չի հավելել։

Լուսանկարը՝ The Associated Press գործակալության