Հուլիսի 4-ին՝ ժամը 09:48-ին, Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Դիլիջան-Վանաձոր ավտոճանապարհի 5-րդ կմ-ին տեղի է ունեցել ավտովթար, կան տուժածներ: Այս մասին հաղորդում է ՆԳՆ փրկարար ծառայությունը։

Դեպքի վայր է մեկնել մարզային փրկարարական վարչության հրշեջ-փրկարարական ջոկատից մեկ մարտական հաշվարկ: Պարզվել է, որ բախվել են «Opel» (վարորդ՝ Ա. Մ., ծնված 1978 թ.) և «Mercedes-Benz» (վարորդ՝ Հ. Ղ., ծնված 1975 թ.) մակնիշների ավտոմեքենաները: Մինչ փրկարարների կանչի վայր հասնելը՝ «Opel» մակնիշի ավտոմեքենայի վարորդը, ուղևորներ՝ Ա. Մ.-ն (ծնված 1992 թ.), Ե. Տ.-ն (ծնված 2020 թ.), Տ. Տ.-ն (ծնված 2022 թ.) և «Mercedes-Benz» մակնիշի ավտոմեքենայի վարորդը և ուղևոր Տ. Պ.-ն (ծնված 1979 թ.) տեղափոխվել են բժշկական կենտրոն, որտեղ նրանց առողջական վիճակը գնահատվել է բավարար:

Փրկարարները հոսանքազրկել են ավտոմեքենաները և փակել գազի բալոնների փականները: