Նախօրեին՝ ժամը 05:50-ին, ոստիկանության Մեղրիի բաժնի ծառայողները որսագողություն կատարելու կասկածանքով «ՎԱԶ-2121» մակնիշի ավտոմեքենայով բերման են ենթարկել 37-ամյա մի տղամարդու:

Ավտոմեքենայի սրահից հայտնաբերվել է 16 մմ տրամաչափի երկփողանի որսորդական հրացան, ինքնաշեն և գործարանային արտադրության դանակներ: Սրահում հայտնաբերվել է նաև 10 կգ միս՝ նապաստակի և վայրի խոզի:

Ըստ բերման ենթարկվածի հայտարարության` վայրի խոզն ու նապաստակը ինքը որսացել է նույն օրը՝ ժամը 01:30-ի սահմաններում, Վանք-Մեղրի ճանապարհին:

«Հայտնաբերվածն ուղարկվել է փորձաքննության: Կատարվում է հետաքննություն»,- տեղեկացնում է ոստիկանության լրատվության վարչությունը: