Ուկրաինան Էստոնիայից ստացել է փոքր հեռահարության Mistral զենիթահրթիռային համալիրներ և դրանց հրթիռները։ Այդ մասին հայտնում է Էստոնիայի պաշտպանության նախարարությունը։ 

«Հաստատում ենք, որ փոքր հեռահարության Mistral զենիթահրթիռային համալիրները և դրանց հրթիռները, որոնք մատակարարվել էին Էստոնիայի կողմից, տեղափոխվել են Ուկրաինա»,- ասված է էստոնական պաշտպանական գերատեսչության X-ում հրապարակված գրառման մեջ։

Confirmed! Mistral short-range air defence systems and missiles provided by Estonia 🇪🇪 have been delivered to Ukraine. Let's keep supporting 🇺🇦 freedom fighters. Together, we can #StopRussianAggression. ✊ pic.twitter.com/tdqwWEIsMl

— MoD Estonia (@MoD_Estonia) July 6, 2024

Էստոնիայի պաշտպանության նախարարության կողմից մատակարարված զենիթահրթիռային համալիրների և դրանց թվաքանակի վերաբերյալ այլ տվյալներ չեն փոխանցվում։

Հունիսին Postimees թերթը հայտնել էր, որ Բելգիան, Հունգարիան, Կիպրոսը, Ֆրանսիան և Էստոնիան ստորագրել են Mistral ԶՀՀ-ների համատեղ գնման պայմանագիր:

Պարբերականի տեղեկություններով՝ Mistral-ն արդեն երկար տարիներ գտնվում է Էստոնիայի պաշտպանության ուժերի սպառազինության կազմում։ Նոր ԶՀՀ-ները Էստոնիա պետք է մատակարարվեն 3 տարվա ընթացքում։

Լուսանկարը՝ Maria Grünberg/EDF