![](/static/articles/16/82/60/l-SJhh0ii263.jpg)
Մահացու թարմացում․ համաշխարհային տեխնոլոգիական խափանման պատճառով մի շարք ոլորտներ պարալիզացվել են
Մի թարմացում, ու ամբողջ աշխարհում խոշոր ավիաընկերությունները դադարեցնում են թռիչքները, հիվանդանոցները հետաձգում են վիրահատությունները, կոլապսի է ենթարկվում բանկային համակարգը, իսկ հեռուստաընկերությունները չեն կարողանում հեռարձակել առավոտյան լրատվական թողարկումները։
Այսօր Windows-ի հազարավոր համակարգիչներ մահվան կապույտ էկրանի (BSoD) խնդրին են բախվել։ Այս խափանումն ամբողջ աշխարհում ազդել է բանկերի, ավիաընկերությունների, հեռուստատեսային հեռարձակողների, սուպերմարկետների և շատ այլ բիզնեսների վրա: Խնդիրը առաջացել է ոչ թե Microsoft-ի, այլ CrowdStrike ծրագրային ապահովման թարմացման պատճառով, որը լայնորեն օգտագործվում է աշխարհի բազմաթիվ ձեռնարկությունների կողմից՝ Windows համակարգիչների և սերվերների անվտանգությունը կառավարելու համար:
CrowdStrike ընկերությունը հայտնել է, որ խափանումը հաքերային հարձակման հետևանք չէ և չի սպառնում հաճախորդների անձնական տվյալներին։ Ընկերության պաշտոնական հայտարարության համաձայն՝ խնդիրը հայտնաբերվել և շտկվել է, բայց այն մարդիկ, որոնց համակարգիչները տուժել էին, դեռ խնդիրների են բախվում։
Գլխավոր նկարը ստեղծվել է արհեստական բանականության՝ DALL·E 3-ի միջոցով
Մեկնաբանել