«Հետաքննող լրագրողներ» ՀԿ-ն հրավիրում է աուդիտորական ընկերություններին՝ ներկայացնելու գնառաջարկ Շվեդիայի միջազգային զարգացման և համագործակցության գործակալության (SIDA) ֆինանսավորմամբ իրականացվող ծրագրի աուդիտ իրականացնելու համար:

Ծրագրի տևողությունը երեք տարի է` 01.09.2023 թ․-ից մինչև 31.08.2026 թ.։

Աուդիտն իրականացվելու է SIDA-ի ստանդարտ տեխնիկական առաջադրանքի համապատասխան, համաձայն որի` բացի ֆինանսական փաստաթղթերի համապատասխանությունն ու ճշգրտությունը ստուգելը, աուդիտ իրականացնող ընկերությունը պետք է համոզվի, որ «Հետաքննող լրագրողներ» ՀԿ-ն իրականացրել է դրամաշնորհի մեկնարկին նախորդած ներքին վերահսկողության վերանայման արդյունքում ներկայացրած գործողությունների պլանով նախատեսված առաջարկությունները։

Նախատեսվում է տարեկան մեկ աուդիտ, ծրագրի ընթացքում ընդհանուր՝ 3 աուդիտ։

Առաջին տարեկան աուդիտը վերաբերում է 01.09.2023-31.08.2024 թթ․ ժամանակահատվածին: Առաջին տարվա տվյալները պետք է ամփոփվեն մինչեւ 2024թ. նոյեմբեր, համապատասխան հայերեն և անգլերեն հաշվետվությունը պետք է ներկայացվի «Հետաքննող լրագրողներ» կազմակերպությանը ոչ ուշ, քան 10.11.2024 թ․-ը։

Մյուս ժամկետները կսահմանվեն հաղթող կազմակերպության հետ կնքվող պայմանագրով։

Գնառաջարկը  պետք է ներկայացվի ՀՀ դրամով։ Գները պետք է լինեն անփոփոխ պայմանագրի իրականացման ողջ ընթացքում:

Գնառաջարկի հետ խնդրում ենք ներկայացնել տեղեկություն աուդիտն իրականացնող ընկերության փորձի, մասնավորապես՝ միջազգային դրամաշնորհային ծրագրերի աուդիտի փորձառության վերաբերյալ։

Գնառաջարկը ներկայացնել էլեկտրոնային  եղանակով՝ նշված փաստաթղթերը ուղարկելով [email protected] էլեկտրոնային հասցեով,  նամակի թեմա դաշտում նշելով՝ «Աուդիտ SIDA - Հետք»: 

Գնառաջարկը պետք է ներկայացվի պահանջված ձևով, անգլերեն և հայերեն։ 

Գնառաջարկների ներկայացման վերջնաժամկետն է «15» օգոստոսի, 2024թ.։

Հավելյալ տեղեկություններ կարող եք ստանալ կազմակերպության գլխավոր հաշվապահ Արաքսյա Համբարձումյանից (հեռ.  +37493346417):

Գնառաջարկի ձևանմուշը:

Գլխավոր նկարը ստեղծվել է արհեստական բանականության՝ DALL·E 3-ի միջոցով