Իսրայելի պաշտպանության բանակի ռազմական ինքնաթիռներն ավիահարվածներ են հասցրել Լիբանանի հարավում գտնվող սահմանամերձ Բլատ բնակավայրին: Այդ մասին հայտնել է Al Jazeera հեռուստաալիքը։ 

Վերջինիս տվյալներով՝ քաղաքի մերձակայքին առնվազն երկու հարված է հասցվել։

Ավելի վաղ գրել էինք, որ Հեզբոլահի զինված կազմավորումները զանգվածային ռմբակոծության են ենթարկել Իսրայելի հյուսիսային հատվածները։ Ինչպես փոխանցել էր արաբական Al Mayadeen հեռուստաընկերությունը, ռմբակոծության տակ էին հայտնվել Վերին Գալիլիայի իսրայելական բնակավայրերը։

Արաբական այս հեռուստաընկերությունը, որը փոխկապակցված է Հեզբոլահի հետ, նշում էր, որ շիա մարտիկները համազարկային կրակի ռեակտիվ համակարգերից արձակել էին ավելի քան 50 արկ։ Օդային տագնապի ազդանշանները գործել են իսրայելական 15 բնակավայրերում։ 

Լուսանկարը՝ արխիվային/Rabih DAHER / AFP