Տեսանյութեր
Լուսանկարներ
Հայտնի են ՀՀԽ անդամի թափուր տեղի համալրման մրցույթին մասնակցության հայտ ներկայացրած թեկնածուները
Հանրային հեռարձակողի խորհրդի անդամի թափուր տեղի համալրման մրցույթն անցկացնելու նպատակով ձևավորված ժամանակավոր մրցութային հանձնաժողովն այսօր ամփոփել է թեկնածուների փաստաթղթերի ընդունման գործընթացը։ Այս մասին հայտնում է ՀՌՀ մամուլի ծառայությունը։
«ՀՀԽ անդամի թափուր տեղի համալրման մրցույթի մասնակցության համար հայտ են ներկայացրել յոթ թեկնածու՝
- Էլմիրա Արսենյան
- Քնարիկ Առաքելյան
- Զառա Արամյան
- Իրինա Շախնազարյան
- Օֆելյա Ասատրյան
- Մարգարիտա Մինասյան
- Նունե Էլմասյան։
Մրցութային գործընթացին միայն կին թեկնածուների մասնակցության հանգամանքը պայմանավորված է «Տեսալսողական մեդիայի մասին» օրենքի 23-րդ հոդվածի 2-րդ մասի պահանջով, համաձայն որի Խորհրդում յուրաքանչյուր սեռի ներկայացուցիչների թիվը չպետք է պակաս լինի երեքից։
Մրցույթի արդյունքներով հաղթողին որոշելու նպատակով մրցութային հանձնաժողովի նիստը կկայանա օգոստոսի 16–ին։
Հիշեցնենք, որ մրցութային հանձնաժողովի կամզում են Արա Խզմալյանը (մրցութային հանձնաժողովի նախագահ), Սառա Նալբանդյանը, Սերոբ Խաչատրյանը, Արքմենիկ Նիկողոսյանը և Գրիգոր Խաչատրյանը»,-նշված է հաղորդագրությունում։
Մեկնաբանել