Հանրապետական կուսակցությունից ԱՄՆ նախագահի թեկնածու Դոնալդ Թրամփը հայտարարել է, որ հույս ունի ԱՄՆ նախագահական ընտրություններում հաղթելու պարագայում կրկին հարթել հարաբերությունները Ռուսաստանի նախագահ Վլադիմիր Պուտինի հետ:

«Հուսով եմ, որ մենք նորից լեզու կգտնենք նրա հետ: Գիտես՝ նրա հետ լեզու գտնելը լավ կլիներ, այլ ոչ թե վատ»,- Իլոն Մասկին տված իր հարցազրույցի ընթացքում հայտարարել է Թրամփը, որը հեռարձակվել է X-ով։

Քաղաքական գործիչը նաև նշել է, որ Ռուսաստանի առաջնորդը «լավ բանակցող» է, մինչդեռ ԱՄՆ գործող նախագահ Ջո Բայդենը «IQ-ի ցածր մակարդակ ունի»։ Թրամփը նաև հավելել է, որ Բայդենը «հիմարություն է արել», երբ համաձայնել է Ուկրաինայի՝ ՆԱՏՕ-ին անդամակցության հնարավորությանը:

Թրամփի խոսքով՝ «հիմա ԱՄՆ-ին ոչ ոք չի հարգում»։ «Մեր երկիրն այժմ նման վատ վիճակում է», - նշել է նա՝ հայտարարելով, որ իր օրոք հակամարտություններ չէին լինի Ուկրաինայում և Գազայի հատվածում։ 

Լուսանկարը՝ Brendan Smialowski/AFP via Getty Images, FILE