Ազգային ժողովի նախագահ Ալեն Սիմոնյանի ստորագրած արձանագրությամբ՝ դադարեցվել են «Քաղաքացիական պայմանագիր» խմբակցության պատգամավոր Գուրգեն Արսենյանի լիազորությունները։

«Հիմք ընդունելով պատգամավորի հրաժարականի մասին դիմումը եւ առաջնորդվելով «Ազգային ժողովի կանոնակարգ» սահմանադրական օրենքի 154-րդ հոդվածի 1-ին մասի 6-րդ կետի եւ 155-րդ հոդվածի 2-րդ մասի 2-րդ կետի պահանջներով՝ դադարած համարել «Քաղաքացիական պայմանագիր» կուսակցության համապետական ընտրական ցուցակով ընտրված պատգամավոր  Գուրգեն Արսենյանի՝ պատգամավորի լիազորությունները»,- նշված է ԱԺ նախագահի ստորագրած արձանագրության մեջ:

Հավելենք, որ ըստ մամուլում առկա մի շարք հրապարակումների՝ Գուրգեն Արսենյանը նշանակվելու է Ռուսաստանում Հայաստանի դեսպան։