![](/static/articles/16/87/95/l-Jca2feiVEP.jpg)
Սպիտակ-Վանաձոր ճանապարհին բախվել է չորս ավտոմեքենա. կա զոհ
Փրկարար ծառայությունը հաղորդում է, որ օգոստոսի 18-ին՝ ժամը 13։31-ին, Լոռու մարզային ճգնաժամային կառավարման կենտրոն ահազանգ է ստացվել, որ Սպիտակ-Վանաձոր ավտոճանապարհի մոտ 4-րդ կմ-ին տեղի է ունեցել ՃՏՊ՝ բախվել է չորս ավտոմեքենա։
«Պարզվել է, որ բախվել են «Nissan», երկու «Mitsubishi» և «Vaz» մակնիշների ավտոմեքենաները, «Vaz» մակնիշի ավտոմեքենայի վարորդը մահացել է։
Փրկարարները հոսանքազրկել են «Nissan» մակնիշի ավտոմեքենան, փակել երկու «Mitsubishi» և «Vaz» մակնիշների ավտոմեքենաների գազի բալոնների փականները, վարորդի դին դուրս բերել ավտոմեքենայից և մոտեցրել դի տեղափոխող ավտոմեքենային»,- ասված է հաղորդագրությունում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել