Տեսանյութեր
Լուսանկարներ
«Առավոտ». նախկին թիկնազորի պետի բացահայտումները
«Այսօր առաջին անգամ հայտարարում եմ, որ Վանո Սիրադեղյանին ես ինքս էլ ճանապարհել եմ Հայաստանից»,- երեկ հայտարարել է Վանո Սիրադեղյանի նախկին թիկնազորի պետ Սուրեն Սիրունյանը: Նա ասաց, որ ինքը չի անդամագրվել և չի էլ անդամագրվելու «Ելք» շարժմանը, որովհետև նրա գնալուց հետո իր ընկերների հետ միշտ էլ պայքարել է, որ վերադառնա Վանո Սիրադեղյանը:
«Կարևոր չի' Վանո Սիրադեղյանը Հայաստանում քաղաքականությամբ կզբաղվի, թե ոչ, բայց վստահ եմ, որ իր ներկայությամբ միայն դրական փոփոխություն կբերի: Մարդ, որը եղել է այս երկրի հիմնադիրներից, որը աշխատել է ՆԳ նախարար, որի ժամանակ ՀՀ-ում օրենքով գողեր չեն եղել, Քրեակատարողական հիմնարկներում զն նայողներ չեն եղել, եթե հիշում եք' 94-95-ին ինչ էր կատարվում ամբողջ հանրապետությունով մեկ, անընդհատ Հայաստանով մեկ հնչում էին կրակոցներ, անկանոն կրակահերթերի պատճառով նաև եղել են մահվան դեպքեր, և Վանո Սիրադեղյանը կարողացավ այնպես անել, որ Երևանում վերանան այդ կրակոցները»:
Սուրեն Սիրունյանը նաև փոխանցեց Վանո Սիրադեղյանի վերջին խոսքը' հեռանալուց առաջ. «Իմիջիայլոց, գլխարկը մոռացել էր մեքենայիս մեջ: Վանոն խնդրեց լինել բոլորով միասին, ասաց' իմ ձեռքերը մաքուր են: Ինձ համար այդ խոսքերը ավելի թանկ են, քան որոշ մարդկանց: Նա այդ խոսքերն ասաց, որ փոխանցեմ ՀՀՇ-ին»:
Մեկնաբանություններ (1)
Մեկնաբանել