Լիբանանում Հեզբոլահ արմատական շարժման դեմ իսրայելական ռազմական գործողության մեկնարկից ի վեր հարևան Սիրիա է փախել մոտ 100 հազար մարդ: Այդ մասին գրառում է արել ՄԱԿ-ի Փախստականների հարցերով գերագույն հանձնակատար Ֆիլիպո Գրանդին։ 

The number of people who have crossed into Syria from Lebanon fleeing Israeli airstrikes — Lebanese and Syrian nationals — has reached 100,000. The outflow continues.

UNHCR is present at four crossing points alongside local authorities and @SYRedCrescent to support new arrivals. pic.twitter.com/7dtrghsMH4

— Filippo Grandi (@FilippoGrandi) September 30, 2024

Գրանդիի խոսքով՝ դեպի սահման շարժվող մարդկանց հոսքը չի դադարում։ ՄԱԿ-ի աշխատակիցներն այնտեղ են՝ Սիրիայի հետ սահմանի չորս անցակետերում՝ նոր ժամանածներին օգնելու համար։ ՄԱԿ-ի Փախստականների հարցերով գերագույն հանձնակատարը հավելել է, որ նրանց աջակցություն են ցուցաբերում նաև տեղական իշխանությունները և Կարմիր մահիկի աշխատակիցները։ Ինչպես նշվում է, փախստականների մոտ 60 տոկոսը սիրիացիներ են, մնացած 40 տոկոսը՝ լիբանանցիներ:

Ավելի վաղ Լիբանանի վարչապետ Նաջիբ Միկաթին հայտարարել էր, որ Լիբանանի տարածքում իսրայելական զանգվածային ավիահարվածների մեկնարկից հետո իրենց տները լքած մարդկանց թիվը մոտեցել է մեկ միլիոնի: Նա տեղի ունեցածն անվանել էր «Լիբանանի պատմության մեջ մարդկանց ամենազանգվածային տեղաշարժ»։

Լուսանկարը՝ Omar El Bsat/Anadolu Agency/ Getty Images