Իսրայելի պաշտպանության բանակը «լուրջ և բովանդակալից» պատասխան է պատրաստում Իրանի հարձակմանը։ Այդ մասին հայտարարել է Իսրայելի բանակի ռադիոն՝ Գալեյ ՑԱԽԱԼ-ը՝ հղում անելով իր աղբյուրին։ 

«Դա կլինի լուրջ և բովանդակալից, մենք ժամանակի մեծ մասը պատրաստվում ենք դրան»,- հայտարարել է աղբյուրը։ Աղբյուրը հավելել է, որ «իրանական վերջին հարձակումը հետևանքներ կունենա Իրանի համար»։ «Նրանք պետք է դա հասկանան»,- ասել է նա։ 

בצה״ל נערכים לתקיפה באיראן: ״זה יהיה רציני ומשמעותי, אנחנו בלב ההכנות ועוסקים בזה רוב זמננו. יהיו לזה השלכות על איראן - וכדאי שהם יבינו את זה״.
בצה״ל אומרים כי הם מצפים לשיתוף פעולה משמעותי בפעולה ההתקפית מצד המדינות השותפות באזור.

מספר הטילים הבליסטיים ששוגרו מאיראן לישראל…

— דורון קדוש | Doron Kadosh (@Doron_Kadosh) October 5, 2024

Աղբյուրի խոսքով՝ Իսրայելի պաշտպանական բանակում «ակնկալում են զգալի համագործակցություն տարածաշրջանում գործընկեր երկրների կողմից հարձակողական գործողություններում»։ 

Գալեյ ՑԱԽԱԼ ռադիոկայանի աղբյուրը նաև հայտնել է, որ հոկտեմբերի 1-ի հարձակման ընթացքում Իրանից Իսրայելի ուղղությամբ արձակված բալիստիկ հրթիռների թիվը եղել է 201։ 

«Դրանց մեծ մասը խոցվել է իսրայելական ՀՕՊ համակարգերի կողմից»,- եզրափակել է նա։

Իրանին «լուրջ և բովանդակալից» պատասխանին նախապատրաստման մասին հայտնում է նաև The Times of Israel-ը։

Լուսանկարը՝ արխիվային/CNN-ից