Դանակով զինված տղամարդը հոկտեմբերի 9-ի ցերեկը հարձակվել է Իսրայելի Հադերա քաղաքի բնակիչների վրա։ Այդ մասին հայտնում է The Times of Israel-ը՝ հղում անելով տեղի ոստիկանությանը։ Հարձակումը տեղի է ունեցել քաղաքի կենտրոնում գտնվող չորս տարբեր վայրերում:

Վերջին տվյալներով՝ վիրավորվել է 6 մարդ, որից 2-ը գտնվում են ծայրահեղ ծանր վիճակում։ Իսրայելի «Մագեն Դավիդ Ադոմ» բժշկական ծառայությունը, իր հերթին, հայտնել է, որ վիրավորների թվում կա 50-70 տարեկան 5 տղամարդ։

אירוע הדקירות בחדרה: עלה לחמישה מספר הפצועים, שניים מהם במצב קשה. המשטרה: ההערכה שמדובר בפיגוע עדיין נבדקת >>> https://t.co/yXb0HRvNFQ

(שימוש לפי סעיף 27א) pic.twitter.com/HcV1gkWUc5

— כאן חדשות (@kann_news) October 9, 2024

Հարձակումից հետո զինված տղամարդը փախել է մոտոցիկլետով։ Ոստիկանությունից հայտնել են, որ նա «չեզոքացվել է»։ Համացանցում հայտնվել է մի տեսանյութ, որտեղ երևում է, թե ինչպես են ոստիկանները կրակում կասկածյալի վրա, որից հետո ձերբակալում նրան։

The Times of Israel-ի աղբյուրների փոխանցմամբ՝ հարձակումն իրականացրել է Իսրայելի 36-ամյա քաղաքացի Ահմադ Ջաբարինը, որը ծնունդով Ումմ էլ Ֆահմ քաղաքից է:

Լուսանկարը՝ Tal Gal/Flash90