Ալեքսանդր Պետրակովը այլևս չի գլխավորի Հայաստանի ազգային հավաքականը: Այս մասին հայտնում է Հայաստանի ֆուտբոլի ֆեդերացիան։

«ՈՒԵՖԱ Ազգերի Լիգայի՝ հոկտեմբերի 13-ին կայացած Հայաստան-Հյուսիսային Մակեդոնիա հանդիպումից հետո Հայաստանի ազգային հավաքականի գլխավոր մարզիչ Ալեքսանդր Պետրակովը հեռացվել է զբաղեցրած պաշտոնից»,- նշվում է հաղորդագրությունում։

Հիշեցնենք՝ Հայաստանի ֆուտբոլի ազգային հավաքականը Ազգերի լիգայի 2024-25 թթ. խաղարկության չորրորդ տուրում այսօր 0:2 հաշվով պարտվեց Հյուսիսային Մակեդոնիայի ընտրանուն։