Իսրայելցի չորս զինվորական է զոհվել, 67-ն էլ՝ վիրավորվել Իսրայելի հյուսիսում գտնվող ռազմաբազայի վրա անօդաչու թռչող սարքի հարվածի հետևանքով։ Այդ մասին հայտնել է Իսրայելի պաշտպանության բանակի մամուլի ծառայությունը։

Վերջինիս տվյալներով՝ յոթ զինծառայող գտնվում է ծայրահեղ ծանր վիճակում Հայֆայից հարավ գտնվող Բինյամինա-Գիվատ-Ադա բնակավայրում տեղակայված բազայի վրա հարձակման հետեւանքով:

IDF publiceert namen van de 4 soldaten die gisteren omkwamen bij de drone-aanslag van Hezbollah in Binyamina.

Alle 4 waren nog maar 19 jaar oud:

Sgt. Omri Tamari
Sgt. Yosef Hieb
Sgt. Yoav Agmon
Sgt. Alon Amitay pic.twitter.com/lj0KWl78LX

— Hart voor Israël 🎗️ (@HartvoorIsrael) October 14, 2024

Մագեն Դավիդ Ադոմ բժշկական ծառայությունը (MDA) ավելի վաղ հայտնել էր, որ հարձակման հետևանքով տուժել է 61 մարդ: 37-ը շտապօգնության մեքենաներով և ուղղաթիռներով տեղափոխվել են տարբեր հիվանդանոցներ։ 

Հարձակման պատասխանատվությունը ստանձնել է լիբանանյան Հեզբոլահ արմատական խմբավորումը: Ինչպես հայտնել է խմբավորման մամուլի ծառայությունը, հարվածը հասցվել է հինգշաբթի՝ Լիբանանի հարավում և Բեյրութում իսրայելական հարձակումներին ի պատասխան:

Խմբավորման պնդմամբ՝ բազան գրոհել է «անօդաչուների շարասյունը»։ 

Դատելով դեպքի վայրից ստացված կադրերից՝ հարվածի պահին զինծառայողները գտնվել են ճաշարանում։ Լուսանկարներում, որոնք տարածվում են սոցցանցերում, պատկերված է դատարկ ճաշասենյակը, որի տանիքին առկա է անցք։

Ինչպես գրում է The Times of Israel-ը, հղում անելով նախնական հետաքննության տվալներին, Հեզբոլահը Միջերկրական ծովից արձակել է Mirsad տեսակի երկու անօդաչու։

The Hezbollah drone that interrupted dinner, lighting up an entire company of te***rists managed to evade all air defences and impact without being detected! #Israel pic.twitter.com/wQhh5epcGB

— AW Angry Warhawk (@Hadrian130AD) October 13, 2024

Իսրայելական Alma Research հետազոտական կենտրոնի տվյալներով՝ դրանք ունեն «120 կիլոմետրանոց խոցման շառավիղ, 370 կմ/ժ առավելագույն արագություն, կարող են կրել մինչև 40 կգ պայթուցիկ և թռչել մինչև 3 կմ բարձրության վրա»:

Պարբերականը հայտնում է, որ անօդաչու թռչող երկու սարքերի շարժին հետևել են իսրայելական ռադարները, և մեկը խոցվել է Հայֆայից հյուսիս ընկած ափերի մոտ, սակայն երկրորդ անօդաչու թռչող սարքն անհետացել է ռադարներից, հավանաբար այն պատճառով, որ այն շատ մոտ է եղել գետնին:

Իր հայտարարության մեջ Հեզբոլահը սպառնացել է նոր հարձակումներ իրականացնել, եթե Լիբանանի հարավում շարունակվի Իսրայելի ռազմական գործողությունը:

«Մենք թշնամուն խոստանում ենք, որ այն, ինչ տեղի է ունեցել այսօր Հայֆայից հարավ, ոչինչ է այն բանի համեմատ, ինչը սպասում է նրան, եթե որոշի շարունակել ագրեսիան մեր ազնիվ ժողովրդի դեմ»,- ասված է հաղորդագրության մեջ։

Լուսանկարը՝ Bloomberg գործակալությունից