Հայտնի են տնտեսագիտության ոլորտում Նոբելյան մրցանակի դափնեկիրների անունները։ 2024 թվականին այդ մրցանակին արժանացել են հայազգի Տարոն Աճեմօղլուն, Սայմոն Ջոնսոնը և Ջեյմս Ռոբինսոնը։ Մրցանակը տրվել է «ինստիտուտների ձևավորման գործընթացների հետազոտության և տնտեսական բարգավաճման վրա դրանց ազդեցության ուսումնասիրության համար»։

BREAKING NEWS
The Royal Swedish Academy of Sciences has decided to award the 2024 Sveriges Riksbank Prize in Economic Sciences in Memory of Alfred Nobel to Daron Acemoglu, Simon Johnson and James A. Robinson “for studies of how institutions are formed and affect prosperity.”… pic.twitter.com/tuwIIgk393

— The Nobel Prize (@NobelPrize) October 14, 2024

Տարոն Աճեմօղլուն հայկական ծագմամբ ամերիկացի տնտեսագետ է։ Ծնվել է Ստամբուլում, ավարտել Գալաթասարայի վարժարանը։ Վերջին տարիներին համարվում է ամենաշատ մեջբերվող տնտեսագետներից մեկն աշխարհում։

Շվեդիայի բանկի կողմից 1968 թվականին նախաձեռնված տնտեսագիտության բնագավառում Նոբելյան մրցանակի դափնեկիրների հայտարարմամբ ավարտվում է նոբելյան շաբաթը:

Մրցանակների հանձման արարողությունը կկայանա դեկտեմբերի 10-ին՝ Ալֆրեդ Նոբելի մահվան օրը:

Մրցանակի դրամական համարժեքը 11 միլիոն շվեդական կրոն է, որը ներկայիս փոխարժեքով 1 միլիոն ԱՄՆ դոլարից մի փոքր ավելի է:

Լուսանկարը՝ Նոբելյան մրցանակի X-ի միկրոբլոգից