Նոյեմբերի 4-ի գիշերը ռուսական զորքերն ավիառումբերով հարված են հասցրել Խարկովին։ Այդ մասին հայտնել է Խարկովի մարզային ոստիկանությունը։

Ինչպես գրում է Суспiльне-ն, ավիառումբերից մեկն ընկել է Խարկովի Շևչենկովի շրջանում՝ տրամվայի գծերի վրա՝ սուպերմարկետներից մեկի մոտ։ Պայթյունի ալիքը կոտրել է պատուհաններն ու վնասել շենքի ճակատը։

Խարկովի մարզային ոստիկանությունից հայտնել են, որ վնասվել են սուպերմարկետը, մոտակա բազմաբնակարան բնակելի շենքերը, ինչպես նաև ոչ բնակելի մի քանի տարածքներ։

Վերջին տվյալներով՝ տուժել է 14 մարդ, այդ թվում՝ 4 ոստիկան։

Լուսանկարը՝ Sofiia Gatilova/Reuters