Ռուսաստանը փակ չէ Արևմուտքի երկրների հետ երկխոսության համար, բայց հետևություններ է արել նրանց վարքագծից: Այդ մասին ռուսական լրատվամիջոցների փոխանցմամբ հայտարարել է ՌԴ արտաքին գործերի նախարար Սերգեյ Լավրովը: Նրա խոսքով՝ Արևմուտքն իր գործողություններով «խաթարել է իր նկատմամբ վստահությունը»։

«Մենք չենք խուսափում Արևմուտքի հետ երկխոսությունից, թեև անհրաժեշտ հետևություններ, թե ինչպես արևմտյան հարևանները մի գիշերում հրաժարվեցին իրենց խոստումներից ու պարտավորություններից, մեզ հետ բոլոր պայմանավորվածություններից, թե ինչպիսի վարք դրսևորեցին և ինչպես խարխլեցին իրենց հանդեպ վստահությունը, այդ եզրակացությունները մենք, իհարկե, արեցինք»,- ասել է ռուսաստանցի պաշտոնյան։

Լավրովի կարծիքով՝ Եվրասիա մայրցամաքի երկրները պետք է ինքնուրույն որոշեն իրենց ճակատագիրը։ Նա նշել է, որ «եթե և երբ արևմտյան երկրները հասունանան շփումների վերսկսման համար, Ռուսաստանը որոշում կկայացնի՝ ելնելով իր ազգային շահերից»։

Լուսանկարը՝ Ilya Pitalev/Sputnik