Մեծ Բրիտանիայի վարչապետ Քիր Սթարմերը Ուկրաինային հեռահար խոցման զենք չի տալիս։ Այդ մասին The Guardian-ին հայտնել են Կիևում իր աղբյուրները։ Նրանց կարծիքով՝ Լոնդոնի հետ հարաբերությունները վատթարացել են լեյբորիստների իշխանության գալուց հետո։ 

«Սթարմերը մեզ հեռահար զենք չի տալիս: Իրավիճակը տարբերվում է նրանից, երբ վարչապետը Ռիշի Սունաքն էր։ Հարաբերությունները վատացել են»,- ասել է բրիտանական թերթի զրուցակիցը։

Քիր Սթարմերն այս շաբաթ Հունգարիայում հանդիպել էր Ուկրաինայի նախագահ Վլադիմիր Զելենսկու հետ։ Նա հայտարարել էր Կիևին անսասան աջակցության մասին։ The Guardian-ի տվյալներով՝ Կիևում պաշտոնյաները բողոքել են հանդիպման արդյունքում հրթիռների վերաբերյալ առաջընթացի բացակայությունից:

Բրիտանական թերթը գրում է, որ Ուկրաինա Սթարմերի այցը քննարկվում է օգոստոսից, սակայն դա մի քանի անգամ հետաձգվել է։ «Նրա համար իմաստ չունի գալ որպես զբոսաշրջիկ։ Նա այս պահին պատրաստ չէ անհրաժեշտ որոշումներ կայացնել»,- հավելել է պարբերականի զրուցակիցը։

Ուկրաինան վերջին անգամ բրիտանական Storm Shadow հեռահար հրթիռների օգտագործման մասին հայտարարել էր հոկտեմբերի սկզբին, մինչ այդ՝ մարտին։ Մեծ Բրիտանիայի վարչապետի գրասենյակից հավաստիացրել էին, որ Լոնդոնը մտադիր է հետագայում էլ աջակցել Ուկրաինային։ Այնտեղ նշել էին, որ Զելենկսին և Սթարմերը հուլիսից ի վեր հանդիպել էին վեց անգամ։

Լուսանկարը՝ Kin Cheung - WPA Pool/Getty Images