Առավելապես ԱՆԻՖ անունով հայտնի «Հայաստանի պետական հետաքրքրությունների ֆոնդ» ՓԲԸ-ի անվտանգության բաժնում աշխատել են բարձրաստիճան իրավապահների հարազատները: Ըստ ԱՆԻՖ-ի բաժնետոմսերը կառավարող Պետգույքի կառավարման կոմիտեի՝ այդ բաժինն իրականացրել է ընկերության գույքի հսկողություն եւ պահպանություն, պոտենցիալ գործընկերների մասին տեղեկատվության վերլուծություն, մյուս ստորաբաժանումների կողմից իրականացվող միջոցառումներին աջակցություն:

Իր հերթին ԱՆԻՖ-ի նախկին աշխատակից, փաստաբան Հարություն Հարությունյանը պնդում է, որ անվտանգության բաժինը կապ չի ունեցել պահպանության հետ: Հարցազրույցում խոսել ենք այս, իրավապահների հարազատների՝ ԱՆԻՖ-ում գործի անցնելու, պետական ընկերությանն առնչվող իրական գործընթացների եւ այլ հարցերի շուրջ: