Ռուսական զորքերը նոյեմբերի 13-ի առավոտյան հրթիռներով հարված են հասցրել Ուկրաինայի մայրաքաղաքին։ Ուկրաինայի քաղաքապետ Վիտալի Կլիչկոն նշել է, որ պայթյուններ են հնչել մայրաքաղաքում ու աշխատել են հակաօդային պաշտպանության միջոցները։

Կլիչկոն քաղաքացիներին կոչ էր արել մնալ ապաստարաններում։

Կիևի քաղաքային զինվորական վարչակազմի ղեկավար Սերգեյ Պոպկոն նշել էր, որ Կիևի ուղղությամբ Ту-95МС ինքնաթիռներից արձակվել են թևավոր հրթիռներ։ Նա նախազգուշացրել էր, որ օդային տագնապի պատճառով քաղաքում, որպես նախազգուշական միջոց, կարող են ժամանակավորապես անջատել էլեկտրականությունը:

Կիևի քաղաքապետն էլ, ավելի ուշ, հայտնել է, որ բացի հրթիռակոծությունից, ռուսական զորքերն Ուկրաինայի մայրաքաղաքի վրա հարձակվել են նաև հարվածային անօդաչուներով։ «Անօդաչուներից մեկը քաղաքի կենտրոնի վերևում է։ Մնացեք թաքստոցներում»,- գրել էր նա։

Դեռևս տվյալներ չկան Կիևի ուղղությամբ ռուսական հարձակման հնարավոր հետևանքների մասին։

Լուսանկարը՝ Gleb Garanich/Reuters գործակալության