Ուկրաինայի Զապորոժիեի շրջանում ռուսական ավիահարվածի հետևանքով զոհվել է 55-ամյա մի բնակիչ, իսկ 11-ամյա մի երեխա վիրավորվել է Զապորոժիե քաղաքի վրա հարձակման հետևանքով։ Այդ մասին հայտնել է Զապորոժիեի մարզային զինվորական վարչակազմի ղեկավար Իվան Ֆյոդորովը։

Ֆյոդորովի խոսքով՝ ռուսական զորքերը Զապորոժիեի և մարզի մի քանի գյուղերի ուղղությամբ հասցրել են 15 ավիահարված։

Բացի այդ, մարզի ուղղությամբ արձակվել է տարբեր տեսակի 233 անօդաչու։ Նրա խոսքով՝ վերջին մեկ օրվա ընթացքում ռուսական զորքերը Զապորոժիեի մարզի 16 բնակավայրի ուղղությամբ կրակ են արձակել 433 անգամ։

Լուսանկարը՝ Reuters գործակալության