Վարչապետ Նիկոլ Փաշինյանը ֆեյսբուքյան գրառմամբ հայտնել է, որ Էդուարդ Հակոբյանը կնշանակվի Պետական եկամուտների կոմիտեի նախագահ։

«Սիրելի հայրենակիցներ, Էդուարդ Հակոբյանը, ով ներկայումս Ֆինանսների նախարարի տեղակալն է, կնշանակվի Պետական եկամուտների կոմիտեի նախագահ»,- գրել է նա։

Էդուարդ Հակոբյանը Տնտեսագիտության թեկնածուի գիտական աստիճան ունի։ Ֆինանսների նախարարության Մակրոտնտեսական քաղաքականության վարչությունում աշխատանքը սկսել է 2013 թվականին։ Հինգ տարի անց՝ 2018-ին ստանձնել է նույն վարչության պետի պաշտոնը, իսկ 2022-ին դարձել նախարարի տեղակալ։