Երևանի քաղաքապետարանը տեղեկացնում է, որ տոմսային համակարգի անխափան աշխատանքի ապահովման նկատառումներով, այսուհետ QR ուղետոմսերի վավերականության ժամկետը կնվազեցվի` սահմանվելով 7 օր։

«Տեղեկացնում ենք նաև, որ բանկային քարտերով վճարումների իրականացման ապահովումը գտնվում է ավարտական փուլում, այժմ իրականացվում են փորձարկման աշխատանքներ։ Առաջիկայում կհայտարարվի ամբողջական գործարկման մասին»,- ասված է հաղորդագրությունում։

Հիշեցնենք, նախկինում QR ուղետոմսերը վավերական էին 31 օր։