Արթուր Աթաբեկյան ընտրվել է Բարձրագույն դատական խորհրդի նախագահ։ Այս մասին հաղորդում են Դատական իշխանությունից։

«Այսօր օրենքով սահմանված կարգով նշանակվել է ԲԴԽ նախագահի ընտրություն, որի արդյունքում ԲԴԽ նախագահ է ընտրվել Արթուր Աթաբեկյանը՝ 7 կողմ ձայներով»,- ասված է հաղորդագրությունում:

Աթաբեկյանը 2023 թվականի ապրիլի 7-ին ՀՀ Դատավորների ընդհանուր ժողովի կողմից ընտրվել էր Բարձրագույն դատական խորհրդի անդամ: Կենսագրությանը կարող եք ծանոթանալ այստեղ։

Հիշեցնենք՝ նոյեմբերի 18-ին Կարեն Անդրեասյանը Ֆեյսբուքյան գրառմամբ հայտարարել էր ԲԴԽ նախագահությունից ու անդամությունից հրաժարվելու մասին:

Լուսանկարում՝ Արթուր Աթաբեկյանը