«Ազգային ժողովի կանոնակարգ» սահմանադրական օրենքի 155-րդ հոդվածի 1-ին մասի համաձայն` Ազգային ժողովի «Քաղաքացիական պայմանագիր» խմբակցության պատգամավոր Դավիթ Առուշանյանը 2024 թվականի դեկտեմբերի 11-ին հրաժարականի դիմում է ներկայացրել: Այս մասին հաղորդում է ԱԺ պաշտոնական կայքը։

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված:

Հիշեցնենք, որ Դավիթ Առուշանյանը Գյումրու քաղաքապետի ժամանակավոր պաշտոնակատարի թեկնածուներից էր, սակայն կայացած եռօրյա նախնական ընտրությունների արդյունքներով նա զբաղեցրեց երկրորդ հորիզոնականը՝ զիջելով Սարիկ Մինասյանին։