Շիրակի մարզպետ Մուշեղ Մուրադյանն աշխատանքից ազատման դիմում է գրել։ Այս մասին կառավարության նիստում հայտարարեց վարչապետ Նիկոլ Փաշինյանը։

Վարչապետը շնորհակալություն հայտնեց Մուրադյանին մարզպետի պաշտոնում կատարած աշխատանքի համար և հաջողություն մաղթեց՝ հետագա համագործակցության հույսով և հեռանկարով։

«Շուրջ երկու տարվա ընթացքում իմ հմտությունների, գիտելիքների, հնարավորությունների և լիազորությունների շրջանակում ինչքան որ կարողացել եմ, ծառայել եմ Հայաստանի Հանրապետությանը, Շիրակի մարզի զարգացնելուն»,- նշեց Մուրադյանը՝ հավելելով, որ շարունակելու է աջակցել իր թիմին։