Տեսանյութեր
Լուսանկարներ
Տեսչական բարեփոխումները շարունակվում են
Հուլիսի 31-ին ՀՀ վարչապետ Տիգրան Սարգսյանի նախագահությամբ կառավարությունում կայացել է տեսչական բարեփոխումների համակարգման խորհրդի վեցերորդ նիստը:
Ի թիվս օրակարգում ընդգրկված տարբեր հարցերի` նիստի ընթացքում զեկուցվել է ՀՀ ԱԻՆ հրդեհային և տեխնիկական անվտանգության պետական տեսչության ստուգաթերթերի նախագծի փորձարկման արդյունքների և արձանագրված խնդիրների մասին:
Մասնավորապես նշվել է, որ ստուգաթերթերի հարցերում ներառված պահանջները համահունչ չեն ժամանակակից հակահրդեհային պահանջներին, այդ իսկ պատճառով անհրաժեշտ է դրանքկրճատել:
Խնդրի առնչությամբ վարչապետ Տիգրան Սարգսյանը հանձնարարել է ՀՀ արտակարգ իրավիճակների նախարարությանը ստեղծել աշխատանքային խումբ, ներգրավելով մասնավոր հատվածի ներկայացուցիչներին, և մեկ ամսվա ընթացքում ներկայացնել ստուգաթերթերի կրճատված տարբերակը:
Մեկնաբանել