Azerbaijan Airlines ավիաընկերության Embraer 190 տեսակի մարդատար ինքնաթիռը, որը գործում էր AHY8243 կոդի ներքո, կործանվել է Ղազախստանի արևմուտքում գտնվող Ակտաու քաղաքի մոտ։ Այդ մասին հայտնում են ղազախական և ադրբեջանական լրատվամիջոցները։ Orda.kz-ը գրում է, որ ինքնաթիռն ընկել է Ակտաուի օդանավակայանի տարածքում։

🚨#SONDAKİKA Azerbaycan Havayolları’nın Bakü Grozny seferini yapan uçagı Kazakistan’ın Aktau şehri yakınlarında düştü.

Kazakistan Sağlık Bakanı, Aktau yakınlarında meydana gelen uçak kazasından altı kişinin sağ kurtulduğunu açıkladı. Uçakta, 105 yolcu ve 5 mürettebat vardı. pic.twitter.com/kYesIg85uV

— Gökhan Artan (@gokhanartancom) December 25, 2024

Նախնական տվյալներով՝ Azerbaijan Airlines ավիաընկերության ինքնաթիռը Բաքվից մեկնում էր Գրոզնի։ Ադրբեջանական APA գործակալությունը փոխանցում է, որ կործանված ինքնաթիռում եղել է 67 ուղևոր և անձնակազմի 5 անդամ։ Ի սկզբանե Казинформ-ն այլ տվյալներ էր ներկայացնում։ Ղազախական այս ալիքի փոխանցմամբ՝ ինքնաթիռում եղել էր 105 մարդ։ Բայց ավելի ուշ, Baza-ն հրապարակել է ինքնաթիռում գտնվող ուղևորների ցանկը։ Ընդհանուր՝ 67 մարդ։ Նրանց մեծ մասը եղել են Ադրբեջանի քաղաքացիներ։

APA-ն նշում է, որ ինքնաթիռը Կասպից ծովի վրա աղետի ազդանշան է տվել և հարկադիր վայրէջքի համար ուղևորվել Ղազախստան: «Sputnik Азербайджан»-ը, հղում անելով ավիաընկերությանը, գրում է, որ վթարի պատճառ է դարձել թռչունների երամի հետ ինքնաթիռի բախումը։

Նախնական տվյալներով՝ Ակտաուի օդանավակայանում ինքնաթիռն ընկել է թռիչքուղու հարակից դաշտում։ Flightradar-ի տվյալներից երևում է, որ վթարից առաջ ինքնաթիռը պտտվել է օդանավակայանի վրայով։

Ղազախստանի ներքին գործերի նախարարությունը հաստատել է ինքնաթիռի կործանումը։ Ընկնելու վայրում հրդեհ է բռնկվել։ Նախնական տվյալներով՝ կան փրկվածներ։ Ղազախստանի առողջապահության նախարարությունը հայտնել է, որ 6 մարդ ողջ է մնացել։ Այլ տվյալներով՝ ողջ է մնացել 12 մարդ։

Ինքնաթիռի կործանման պահը հայտնվել է տեսանյութերում։

Կոլաժը՝ APA գործակալության